جيهان

ئۆپه‌راسیۆنه‌كانی سوپای ئازه‌ربایجان بۆ رزگاركردنی خاكه‌ داگیركراوه‌كه‌ی به‌رده‌وامه‌

وه‌زاره‌تی به‌رگریی ئازه‌ربایجان: "ئۆپه‌راسیۆنه‌كان به‌ درێژایی شه‌و له‌ قۆڵی ئاغده‌ره‌، هۆجاوه‌ند، فوزوڵی، هاردوت و گوبادڵی به‌رده‌وام بوون".

Ruslan Rehimov   | 24.10.2020
ئۆپه‌راسیۆنه‌كانی سوپای ئازه‌ربایجان بۆ رزگاركردنی خاكه‌ داگیركراوه‌كه‌ی به‌رده‌وامه‌

Baki

باكۆ – AA

ئۆپه‌راسیۆنه‌كانی سوپای ئازه‌ربایجان بۆ رزگاركردنی خاكه‌ داگیركراوه‌كه‌ی له‌ژێر ده‌ستی ئه‌رمینیا به‌رده‌وامه.

وه‌زاره‌تی به‌رگریی ئازه‌ربایجان رایگه‌یاند كه‌ ئۆپه‌راسیۆنه‌كان به‌ درێژایی شه‌و له‌ قۆڵی ئاغده‌ره‌، هۆجاوه‌ند، فوزوڵی، هاردوت و گوبادڵی به‌رده‌وام بوون.

له‌ میانی به‌رپه‌رچدانه‌وه‌ی سوپای ئازه‌ربایجان بۆ هێزه‌كانی ئه‌رمینیا زیانێكی زۆر به‌ر هێزه‌كانی ئه‌رمینیا كه‌وتووه‌. به‌ جۆرێك ژماره‌یه‌كی زۆر پارچه‌ چه‌ك، ته‌قه‌مه‌نی و سوته‌مه‌نی ئه‌رمینیا تێك شكێندراون و له‌ چه‌ند قۆڵێك ناچار بوون بكشێنه‌وه‌ دواوه‌.

هه‌روه‌ها سوپای ئازه‌ربایجان چه‌ند خاڵێكی پشتیوانی هێزه‌كانی ئه‌رمینیای تێك شكاندووه‌ و ژماره‌یه‌ك خاڵی گرنگی په‌یوه‌ندی كۆنتڕۆڵ كردوون و چه‌ند گردێكی گرنگیشی له‌ داگیركاری ئه‌رمینیا رزگار كردووه‌.

هه‌ر له‌ راگه‌یه‌ندراوه‌كه‌دا باس له‌وه‌ كراوه‌ كه‌ پێكدادانه‌كان له‌ ته‌واوی به‌ره‌كان به‌رده‌وامن و ره‌وشه‌كه‌ له‌ژێر كۆنتڕۆڵی ئازه‌ربایجاندایه‌.


ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın