ئاژانسی هەواڵی فەرمی سووریا (SANA)، لە ٢٠ی ئابدا بە ڕووخسارێکی نوێ دەست بەکار دەکات
- بەڕێوەبەری گشتیی ئاژانسی SANA زیاد مەحامید: "بەشێکی دیجیتاڵی نوێمان دامەزراندووە. یەکەی پەیامنێریمان پێکهێناوە کە لە ناوخۆ و دەرەوەی وڵات کاردەکەن".
Damascus
دیمەشق - AA
ئاژانسی هەواڵی فەرمی سووریا (SANA)، کە دوای ڕووخانی ڕژێمی بەشار ئەسەد، ڕووی لە ستراتیجی گۆڕانی دیجیتاڵی و نوێکردنەوەی ژێرخانی ڕاگەیاندن کردووە، لە ٢٠ی ئابدا ڕووخساری نوێی خۆی نمایش دەکات.
لە چوارچێوەی نوێکردنەوەی ژێرخانی ڕاگەیاندن و ستراتیجی گۆڕانی دیجیتاڵیدا، ئاژانسەکە دووبارە ڕێکدەخرێتەوە.
تیمی ئاژانسی ئانادۆڵو بە درۆن وێنەی بینای ئاژانسەکە و ناوەندی هەواڵیان گرت، کە کارەکانی نوێکردنەوەی تیایدا بەردەوامە.
بەڕێوەبەری گشتیی ئاژانسی SANA زیاد مەحامید لە لێدوانێکیدا بۆ ئاژانسی ئانادۆڵو، ئاماژەی بەوە کرد لە ٢٠ی ئابدا بە ناونیشانی "سانا: خاڵێکی وەرچەرخان" ڕێوڕەسمێک ڕێکدەخەن.
مەحامید باسی لەوە کرد بە لەبەرچاوگرتنی تێگەیشتنی نوێی ڕاگەیاندن، ژێرخان و ئامێرەکانی ئاژانسەکەیان بە تەواوی نوێکردووەتەوە و، ڕایگەیاند: "بەشێکی دیجیتاڵی نوێمان دامەزراندووە. یەکەی پەیامنێریمان پێکهێناوە کە لە ناوخۆ و دەرەوەی وڵات کاردەکەن".
