تەندروستي, کۆڤید- ١٩

هەرێمی کوردستان.. لە هەولێر ٢٩ کەسی دیکە تووشی کۆرۆنا بوون

وەزارەتی تەندروستیی هەرێمی کوردستان تۆمارکردنی ٢٩ حاڵەتی دیکەی تووشبوون بە ڤایرۆسی کۆرۆنای نوێ (COVID-19)ی لە پارێزگای هەولێر راگەیاند.

Sarmand Hameed   | 05.06.2020
هەرێمی کوردستان.. لە هەولێر ٢٩ کەسی دیکە تووشی کۆرۆنا بوون

Arbil

هەولێر - AA

وەزارەتی تەندروستیی هەرێمی کوردستان تۆمارکردنی ٢٩ حاڵەتی دیکەی تووشبوون بە ڤایرۆسی کۆرۆنای نوێ (COVID-19)ی لە پارێزگای هەولێر راگەیاند.

وەزارەتی تەندروستیی هەرێمی کوردستان رایگەیاند، لە بەردەوامی پشکنینەکان و گەڕان بەدوای گومانلێکراوان و تووشبووان، ٢٩ تووشبووی دیکەی ڤایرۆسی کۆرۆنای نوێ COVID-19 لە شاری ھەولێر دەستنیشانکران.

بەپێی راگەیەنراوەکە کە کۆپییەکی گەیشتووەتە ئاژانسی ئانادۆڵو، تووشبووەکان پێنج پیاو، نۆ ئافرەت، سێ کچی گەنج و ١٢ منداڵن.

لە راگەیەنراوەکەدا ئەوەش هاتووە کە دوو لە تووشبووەکان نیشانەی نەخۆشییەکەیان ھەیە و تووشبووەکانی دیکە بەرکەوتووی تووشبووانی پێشوون.

ئاماژە بەوەشدراوە کە ھەر ٢٩ تووشبووەکە دانیشتووی ناو شاری هەولێرن. 

بەپێی داتاکانی وەزارەتی تەندروستیی هەرێمی کوردستان، ژمارەی تووشبووان بە ڤایرۆسی کۆرۆنای نوێ (COVID-19) لە پارێزگای هەولێر گەیشتووەتە ٣٣٣ تووشبوو، لەنێویاندا سێ گیان لەدەستدان هەبووە و ٢٣٣ نەخۆشیش دوای چارەسەری پزیشکی چاکبوونەتەوە و لە ئێستادا ٩٧ نەخۆش لە نەخۆشخانەکان لەژێر چاودێری پزیشکییدان. 

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın