تەندروستي

به‌رزبوونه‌وه‌ی ژماره‌ی قوربانیانی ئیبۆلا له‌ كۆنگۆ بۆ هه‌زار و 183 كه‌س

- ژماره‌ی ئه‌و كه‌سانه‌ی به‌ هۆی په‌تای ئیبۆلاوه‌ له‌ كۆماری دیموكراتی كۆنگۆ گیانیان له‌ده‌ستداوه‌ به‌رزبووه‌ته‌وه‌ بۆ هه‌زار و 183 كه‌س.

Alaattin Doğru,Hemın Othman Mohammed   | 27.05.2019
به‌رزبوونه‌وه‌ی ژماره‌ی قوربانیانی ئیبۆلا له‌ كۆنگۆ بۆ هه‌زار و 183 كه‌س

Dakar

داكار - AA

له‌ كۆماری دیموكراتی كۆنگۆ، ژماره‌ی ئه‌و كه‌سانه‌ی به‌ هۆی په‌تای ئیبۆلاوه‌ گیانیان له‌ده‌ستداوه‌، كه‌ كۆتایی ته‌مووزی ساڵی رابردوو سه‌ریهه‌ڵدا، به‌رزبووه‌ته‌وه‌ بۆ هه‌زار و 183 كه‌س.

به‌پێی ئه‌و زانیارییه‌ی وه‌زاره‌تی ته‌ندروستی ئه‌و وڵاته‌ بڵاوی كردووه‌ته‌وه‌، په‌تاكه‌ كه‌ له‌ ویلایه‌تی كیڤوی باكوور سه‌ریهه‌ڵداوه‌ و له‌ وڵایه‌تی ئیتوری ته‌شه‌نه‌ی سه‌ندووه‌ به‌ هۆیه‌وه‌ هه‌زار و 912 حاڵه‌تی تای خوێن پژێن تۆماركراوه‌. له‌و كه‌سانه‌ش كه‌ تووشی ئه‌و حاڵه‌ته‌بوون هه‌زار و 818یان هه‌ڵگری ڤایرۆسی ئیبۆلا بوون.

له‌ كاتێكدا هه‌زار و 183 كه‌س به‌ هۆی په‌تاكه‌وه‌ گیانیان له‌ده‌ستداوه‌، 496 كه‌سی دیكه‌ی هه‌ڵگری ڤایرۆسه‌كه‌ چاكبوونه‌ته‌وه‌. هاوكات 139 كه‌سی دیكه‌ له‌ ناوه‌نده‌كانی ئیبۆلادا چاره‌سه‌ر وه‌رده‌گرن.

له‌ چوارچێوه‌ی ئه‌و كه‌مپینه‌ی له‌ هه‌شتی ئابی 2018ه‌وه‌ له‌ ناوچه‌كه‌ ده‌ستیپێكردووه‌، 124 هه‌زار و 825 كه‌س ڤاکسیندراون.

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın