یانەی مانچستەر سیتی دەوڵەمەندترین یانەی تۆپی پێی لەسەر ئاستی جیهانە

ئەنقەرە - AA

بەپێی ئەو لێکۆڵینەوەیەی کە لەلایەن کۆمپانیای براند فاینانس ئەنجامدراوە، یانەی مانچستەر سیتی بە بەهای یەک ملیار و ٥٦٢ ملیۆن دۆلار بووە دەوڵەمەندترین یانەی تۆپی پێی لەسەر ئاستی جیهان.

بەگوێرەی ئەو زانیارییانەی دەست پەیامنێری ئاژانسی ئانادۆڵو کەوتووە، کۆی گشتیی بەهای ١٠ یانەی ریزبەندیی یەکەم کە لە لیستی بە بەهاترین یانەکانی جیهان ناویان هاتووە، گەیشتووەتە ١٦ ملیار و ٣٦٩ ملیۆن دۆلار.

لەکاتێکدا ١٨ یانەی ئینگلیزی، ١٠ یانەی ئەڵمانی، نۆ یانەی ئیسپانی و شەش یانەی ئیتاڵی ناویان لە لیستی ٥٠ دەوڵەمەندترین یانەی جیهاندا هاتووە، هیچ کامێک لە یانە تورکییەکان ناویان لە لیستەکەدا نەهاتووە.

یانەی مانچستەر سیتی کە ئەم وەرزە دوای بردنەوەی پرێمەرلیگ، توانی نازناوی جامی یەکێکیی ئینگلتەراش بۆخۆی دەستەبەر بکات، بە بەهای یەک ملیار و ٥٦٢ ملیۆن دۆلار، هاتە یەکەمی ریزبەندیی دەوڵەمەندترین یانەکانی تۆپی پێی جیهان. بەم شێوەیە ریزبەندیی یەکەمی بە ریال مەدرید چۆڵ کرد کە ماوەی چوار ساڵ بوو پێشەنگی لیستەکەی گرتبوو.

یانەی ریال مەدریدی ئیسپانی بە بەهای یەک ملیار و ٥١٣ ملیۆن دۆلار بۆ پلەی دووەم دابەزی، بارسێلۆنای رکابەریشی بە یەک ملیار و ٤٢٥ ملیۆن دۆلار پلەی سێیەمی وەرگرت.

- یانەی گالاتاسارای ریزبەندیی یەکەم و یانەی فەنەرباخچە ریزبەندی دووەمی دەوڵەمەندترین یانەکانی تورکیایان گرتووە

یانەی گالاتاسارای بە بەهای نزیکەی ٢٨ ملیۆن دۆلار ریزبەندیی یەکەمی گرتووە. دوای ئەویش فەنەرباخچە بە ٢٧ ملیۆن دۆلار، بەشیکتاش بە ٢١ ملیۆن دۆلار و ترابزۆنسپۆریش بە ١١ ملیۆن دۆلار ریزبەندی دووەم تا چوارەمی دەوڵەمەندترین یانەکانی تورکیایان گرتووە.

بەپێی لێکۆڵینەوەکە بەهاکانی دەوڵەمەندترین یانەکانی تۆپی پێ لەسەر ئاستی جیهاندا (بە ملیۆن دۆلار) بەم شێوەیەن:

​​​​​​​