گۆمی شا.. جوانییەکی بێ وێنەی سرووشت لە ئەنتاڵیا
- گۆمی شا لە شارۆچکەی سەریک سەر بە پارێزگای ئەنتاڵیا، لەسەر لووتکەی تاڤگەکان جوانییەکی بێ وێنەی سرووشتی خستووەتە بەر دیدی گەشتیاران.
Antalya
ئەنتاڵیا - AA
گۆمی شا لە شارۆچکەی سەریک سەر بە پارێزگای ئەنتاڵیا، لەسەر لووتکەی تاڤگەکان جوانییەکی بێ وێنەی سرووشتی خستووەتە بەر دیدی گەشتیاران.
پارێزگای ئەنتاڵیا کە بەھاتنی ژمارەیەکی زۆری گەشتیاری ناوخۆیی و بیانی تۆماری پێوانەیی شکاندووە، لە پاڵ کەناراوە شینەکان و شاکارە مێژوییەکان، خاوەنی جوانییەکی سرووشتی بێ وێنەیە و بەرەو ئامانجەکانی ٢٠٢٣ی تورکیا ھەنگاو دەنێت.
گۆمی شا لە نێو ئەم ھەموو جوانییەی ئەنتاڵیا کە دەکەوێتە لووتکەی شەلالەکان لە ناوچەی کۆزانی گەڕەکی گەبزەلی بووەتە جێگەی سەرنجی گەشتیارانی ناوچەکە.
ئەو گۆمە لە نێو دارە سەوزەکانی ناوچەکە کەوتووەتە سەر لووتکەی تاڤگەی یوکاری ئوچانسو و لە ئەنجامی راژنی ئاوی تاڤگەکە لە بەرزی ٧٠ مەترەوە دروستبووە و پانایەکیشی ٢٠ مەترە.
گەشتیاران بەمەبەستی خۆ فێنکردنەوە لە گەرمای ناوچەکە سەردانی ئەو گۆمە دەکەن و لە نێو ئاوە ساردەکەی مەلە دەکەن.
گەشتیاران وێنەی ئەو جوانییەی سرووست تۆمار دەکەن و لە تۆڕە کۆمەڵایەتییەکان بڵاوی دەکەنەوە.
