کورتوڵموش: "(پرۆسەی تورکیای بێ تیرۆر) بە دڵنیاییەوە ئەمجارە سەرکەوتوو دەبین"

ئەنقەرە - AA

سەرۆکی پەرلەمانی تورکیا، نوعمان کورتوڵموش ڕایگەیاند: "پشتیوان بە خودا سەدەی دووهەمی تورکیا وەک سەدەی برایەتیی بە وردیی و وریاییەوە زیاتر بەرەو پێش دەبەین. لەم دیدگای برایەتییەماندا گرنگی بە دابینکردنی یەکسانی هەرێمیی دەدەین".

لە میانی بەشداری کردنی لە ڕێوڕەسمی کردنەوەی ساڵی ئەکادیمی ٢٠٢٥-٢٠٢٦ی زانکۆی ئەدیاماندا، سەرۆکی پەرلەمانی تورکیا کورتوڵموش، گوتارێکی پێشکەش کرد.

لە گوتارەکەیدا سەرۆکی پەرلەمانی تورکیا کورتوڵموش باسی لە سەدەی تورکیا کرد و، ڕایگەیاند: "پشتیوان بە خودا سەدەی دووهەمی تورکیا وەک سەدەی برایەتیی بە وردیی و وریاییەوە زیاتر بەرەو پێش دەبەین. لەم دیدگای برایەتییەماندا گرنگی بە دابینکردنی یەکسانی هەرێمیی دەدەین".

گوتیشی: "ئەم سەدەیەی پێی دەڵێین سەدەی تورکیا، سەدەیەک دەبێت کە تیایدا بە دیدگای برایەتیی و هاودەنگی کۆمەڵایەتی بە تەواوی مانا برایەتیی لە تورکیا دامەزرابێت. لەم پێناوەشدا هەموو بەیەکەوە ناچارین پەیماننامەیەکی کۆمەڵایەتی بەهێز فەراهەم بکەین".

کورتوڵموش ئاماژەی بە پرۆسەی تورکیا بێ تیرۆر کرد و، ڕایگەیاند: "ئەو پرۆژەیەی وەک سیاسەتێکی دەوڵەت لەڕێگەی کۆميسیۆنی هاودەنگیی نەتەوەیی، برایەتیی و دیموکراسییەوە بەپشتیوانی گەل خستوومانەتەگەڕ، لە کورتترین ماوەدا بە ئەنجامی دەگەیەنین".

ڕاشیگەیاند: "ئاگادارم هەندێک چەقەڵ لەملاولا چاوەڕێ دەکەن و خوا خوایانە ژینگەی بێ تیرۆر دەستەبەر نەبێت. چی دەکەن بیکەن، بە دڵنیاییەوە ئەمجارە سەرکەوتوو دەبین".