توركيا

هەکاری.. راگەیاندنی "ناوچەی ئەمنی تایبەت"

- لە ناوەندی پارێزگای هەکاری و چوار شارۆچکە بۆ ماوەی 15 رۆژ ، ناوچەی ئەمنی تایبەت راگەیەندرا.

Yılmaz Kazandıoğlu   | 29.12.2019
هەکاری.. راگەیاندنی "ناوچەی ئەمنی تایبەت"

Hakkari

هەکاری - AA

بەپێی روونکردنەوەیەکی پارێزگای هەکاری چالاکییەکانی پەکەکە و رێکخراوە تیرۆریستییەکانی دیکە، بەشێوەیەکی نەرێنی کاریگەری لەسەر بەرەوپێشچوونی کۆمەڵایەتی و ئابووری پارێزگاکە کردووە و بەمهۆیەوە دانیشتوانی هەکاری لە مافی ئەنجامدانی چالاکی کۆمەڵایەتی و ئابووری و گەشتکردن بێبەش بوون.

لە روونکردنەوەکەی پارێزگای هەکاری-دا هاتووە "هاونیشتمانیان بەهۆی کاریگەرییە نەرێنییەکانی سەر ژیانیان لە زۆر شت بێبەش بوون. هەر بۆیە پارێزگای هەکاری بۆ پاراستنی سەر و ماڵی هاووڵاتییان، بەردەوامیدان بەو ئارامی و ئاسایشەی ئێستا هەیە، رێگریکردن لە هەر هەڕەشە و پەلامارێکی تیرۆریستی کە حکوومەت و گەلەکەمان بکاتە ئامانج، دابینکردنی ئەمن و ئاسایش لە ناوچەکەدا هەموو رێوشوێنێکی پێویست دەگرێتەبەر".

لە چوارچێوەی ئەو رێوشوێنانەدا و بەپێی ماددەی راگەیاندنی ناوچەی ئەمنی و ناوچەی قەدەغەی سەربازی لە ناوەندی پارێزگای هەکاری و شارۆچکەکانی چوکورجا، شەمزینان، یوکسەکۆڤا و دەرەجیك لە کاتژمێر 12 شەوی 28 کانونی یەکەمەوە تا کاتژمێر 12 شەوی کانونی دووەم، وەك ناوچەی ئەمنی تایبەت رادەگەیەندرێن و هاووڵاتییان ناتوانن بەبێ وەرگرتنی مۆڵات بچنە ئەو پێنج ناوچەیە.

لە پەڕەی ئەلیکترۆنی تایبەتی پارێزگاش زانیاری ورد لەبارەی ئەو ناوچانەوە خراوەتەڕوو.

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın