توركيا, هونەر و كلتوور

شرنه‌خ.. رستن و چنینی كوتاڵی "شاڵ و شەپك"

ئه‌و وه‌ستایانه‌ی پێشتر له‌ ماڵه‌وه‌ به‌ ئامێری تایبه‌ت سه‌رقاڵی رستن و چنینی كوتاڵی"شاڵ و شەپك" بوون، له‌ ئێستادا ئه‌و پیشه‌یه‌ و ئه‌زموونی خۆیان له‌م كاره‌دا فێری ٢٢ قوتابی له‌ قوتابخانه‌ی پیشه‌ییی نه‌زمییه‌ ده‌میرێڵ ده‌كه‌ن له‌ شرنه‌خ.

Ekrem Payan   | 26.06.2021
شرنه‌خ.. رستن و چنینی كوتاڵی "شاڵ و شەپك"

Şırnak

شرنه‌خ – AA

ئه‌و وه‌ستایانه‌ی پێشتر له‌ ماڵه‌وه‌ به‌ ئامێری تایبه‌ت سه‌رقاڵی رستن و چنینی كوتاڵی "شاڵ و شەپك"​​​​​​​ بوون، له‌ ئێستادا ئه‌و پیشه‌یه‌ و ئه‌زموونی خۆیان له‌م كاره‌دا فێری ٢٢ قوتابی له‌ قوتابخانه‌ی پیشه‌ییی نه‌زمییه‌ ده‌میرێڵ ده‌كه‌ن له‌ شرنه‌خ.

له‌ میانی زیندووهێشتنه‌وه‌ی رستن و چنینی ئه‌م كوتاڵه‌دا پێنج ساڵ له‌مه‌وبه‌ر شاره‌وانیی شرنه‌خ و شاره‌وانیی جزیره‌ به‌ هاوكاری لایه‌نه‌ په‌یوه‌ندیداره‌كان هه‌وڵه‌كانیان خسته‌ گه‌ڕ و تاكوو ئێستا توانیوویانه‌ ببنه‌ هۆی ئه‌وه‌ی ١٥ ژن ببنه‌ وه‌ستای ئه‌م كاره‌.

به‌ڕێوه‌به‌ری گشتیی په‌روه‌رده‌ی شرنه‌خ، نازان شه‌نه‌ر به‌ په‌یامنێری ئاژانسی ئانادۆڵوی رايگه‌یاند، كه‌ به‌مه‌به‌ستی گواستنه‌وه‌ی ئه‌م پیشه‌یه‌ و زیندووهێشتنه‌وه‌ی كه‌ ده‌چێته‌ خانه‌ی هونه‌ری كاری ده‌ستییه‌وه‌ هانی قوتابییانی به‌شی كاری ده‌ستی ده‌ده‌ن بۆ فێربوونی ئه‌م پیشه‌یه‌، هه‌ر له‌ رستن و چنینی كوتاڵی شاڵ و شەپكه‌وه‌، تاكوو ده‌گاته‌ ڕه‌نگ كردن و دوورینی.

گوڵناز هۆكه‌نه‌ك سۆنمه‌ز ئاماژه‌ی به‌وه‌دا كه‌ پێنج ساڵه‌ فێری ئه‌و كاره‌ بووه و ئه‌وانیش سه‌رقاڵی فێركردنی قوتابییانن و ئه‌م كوتاڵه‌ تاكوو ئاماده‌ ده‌بێت به‌ ١٥ قۆناغدا تێپه‌ڕ ده‌بێت، ئه‌مه‌یش ماندووبوونێكی زۆری پێویسته‌.

نه‌سه‌ب كۆنو ئاماژه‌ی به‌وه‌ دا كه‌ ئامانجیان له‌و كاره‌ ئه‌وه‌یه‌، قوتابییانی ئاماده‌یی ببنه‌ خاوه‌ن پیشه‌ی خۆیان و ئه‌م كاره‌یش به‌ زیندوویی بهێڵنه‌وه‌.

نوژین سه‌ڤیم یه‌كێكه‌ له‌و قوتابییانه‌ و گوتی: "ئاماده‌كردنی كوتاڵه‌كه‌ به‌ ١٥ قۆناغدا تێده‌په‌ڕێت و نزیكه‌ی یه‌ك مانگی پێده‌چێت تاكوو ئاماده‌ ده‌كرێت".



ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın