تورکیا.. فستیڤاڵی باشترین کۆتر

ئۆسمانییە 

رێکخراوی کۆتربازانی تورکیا لە شاری ئۆسمانییە - باشووری رۆژهەڵاتی تورکیا ھەشتەمین فستیڤاڵی ھەڵبژاردنی باشترین کۆتری بەڕێوە برد.

لە پێشبڕکێی ئەو فێستیڤاڵەدا بە گشتی ٢٢٠ کۆتر لە شەش پارێزگای تورکیاوە بەشدارییان پێکراوە و حەوت جۆر کۆتر دەخرێنە پێشبڕکێوە.

هاکان تونجەر سەرۆکی کۆمیتەی ئامادەکاریی فێستیڤاڵ گوتی:" لە جۆرەکانی ساری مەڤەردی، کارا موسەڤیت، زرھلی شامی، ئیسپیر، ساری ئالاجا بەغدادی، کەرە کویروک فیتیلی و کەرە ناکیشلی، باشترین جۆر لە لایەن لیژنەی داوەریی دەستنیشان دەکرێن."

 بەھۆی بەرزی ئاستی بەشداربووان، رێکخراوی کۆتربازانی تورکیا مانگی داھاتوو فێستیڤاڵێکی دیکە ساز دەکاتەوە.