توركيا

توركیا .. "جه‌زه‌ری" یه‌كه‌م ئۆتۆمبێلی فڕیو یه‌كه‌م فڕینی تێستكردنی ئه‌نجامدا

- یه‌كه‌م فڕینه‌كانی تێستكردنی، یه‌كه‌م ئۆتۆمبێلی فڕیوی توركیا، جه‌زه‌ری، كه‌ له‌لایه‌ن كۆمپانیای بایكار به‌شێوه‌یه‌كی خۆماڵی و ره‌سه‌ن به‌رهه‌مهێنراوه‌، به‌ سه‌ركه‌وتوویی كۆتاییهات.

Furkan Gençoğlu   | 16.09.2020
توركیا .. "جه‌زه‌ری" یه‌كه‌م ئۆتۆمبێلی فڕیو یه‌كه‌م فڕینی تێستكردنی ئه‌نجامدا

Istanbul

ئیستانبوڵ- AA

یه‌كه‌م فڕینه‌كانی تێستكردنی، یه‌كه‌م ئۆتۆمبێلی فڕیوی توركیا، جه‌زه‌ری، كه‌ له‌لایه‌ن كۆمپانیای بایكار به‌شێوه‌یه‌كی خۆماڵی و ره‌سه‌ن به‌رهه‌مهێنراوه‌، به‌ سه‌ركه‌وتوویی كۆتاییهات.

له‌ راگه‌یه‌نراوێكدا كه‌ له‌لایه‌ن كۆمپانیای بایكار-ه‌وه‌ بڵاوكراوه‌ته‌وه‌، ئاماژه‌ به‌وه‌كراوه‌، یه‌كه‌م فڕینه‌كانی تێستكردنی، یه‌كه‌م ئۆتۆمبێلی فڕیوی توركیا، جه‌زه‌ری، كه‌ به‌ سه‌رپه‌رشتیی به‌ڕێوه‌به‌ری ته‌كنیكی كۆمپانیاكه‌، سه‌لچوك بایراكتار ئه‌نجامدرا، رۆژی هه‌ینی ١١ی ئه‌یلوول ده‌ستیپێكرد. له‌ یه‌كه‌م تێسته‌كاندا جه‌زه‌ری به‌شێوه‌یه‌كی به‌ستراوه‌ له‌رێگه‌ی گوریسی ئه‌منییه‌وه‌ فڕینی ئه‌نجامدا، به‌ڵام شه‌وی ١٤ له‌سه‌ر ١٥ی ئه‌یلوول، دوای ئه‌وه‌ی فڕینه‌كانی به‌ گوریسه‌كانه‌وه‌ به‌ سه‌ركه‌وتوویی ئه‌نجامدا، جه‌زه‌ری بێ گوریسه‌كان فڕی. هه‌مان شه‌و دوو فڕینی دیكه‌ی به‌ سه‌ركه‌وتوویی ئه‌نجامدا.

له‌ تێستی دووه‌می ئۆتۆمبیلی فڕیوی جه‌زه‌ری-دا كه‌ ئه‌مڕۆ ئه‌نجامدرا، ئۆتۆمبیله‌كه‌ ١٠ مه‌تر له‌ زه‌وییه‌وه‌ به‌رزبوویه‌وه‌.

جه‌زه‌ری كه‌ خاوه‌نی سیستمی هۆشمه‌ندی فڕینه‌، له‌لایه‌ن ئه‌ندازیارانی توركه‌وه‌ به‌رهه‌مهێنراوه‌، له‌ فڕینه‌ سه‌ره‌تاییه‌كاندا ١٠ مه‌تر له‌ زه‌وییه‌وه‌ به‌رزبوویه‌وه‌. ناوی ئۆتۆمبیله‌كه‌ له ناوی‌ زانای موسڵمانی جیزره‌یی، ئه‌ل جه‌زه‌ری وه‌رگیراوه‌ كه‌ دامه‌زرێنه‌ری زانستی سایبه‌رنێتیك و رۆبۆتییه‌. به‌وشێوه‌یه‌ش له‌ماوه‌ی ساڵ و نیوێكدا له‌دوای كاره‌كانی دیزاینكردن، ئۆتۆمبیله‌كه‌ یه‌كەم فڕینی ئه‌نجامدا.

لە راگەیەندراوەکەدا ئاماژە بە وتەکانی بەڕێوەبەری تەکنیکی بایکار، سه‌لچوك بایراكتار دراوە و تێدا رایگەیاندووە کە ئەوان یەک ساڵ و نیو پێش ئێستا دەستیان بەم پڕۆژەیە کردووە و بە سەرکەوتنی ئۆتۆمبێلی فڕیوی جەزەری توانیویانە خەونەکانیان بھێننەدی.

بایراکتار گوتیشی: "لە قۆناغی داھاتوودا، جۆری پێشکەوتووتری دروست دەکەین. ئیتر تاقیکردنەوەی فڕین بە بەشداری مرۆڤیش ئەنجام دەدەین. بەڵام بەکارھێنانی ئۆتۆمبێلی فڕیوی جەزەری بۆ رێگاکانی ھاتووچۆ، نزیکەی ١٠-١٥ ساڵی دەوێت. لە دوای ئۆتۆمبێلی زیرەک، ئۆتۆمبێلی فڕیو دەبێتە شۆڕشێک لە بواری تۆکنۆلۆجیای دروستکردنی ئۆتۆمبێل. بۆیە ئەگەر سەیر بکەن ئێمە خۆمان بۆ پێشبرکێی داھاتوو ئامادە دەکەین. متمانەبەخۆکردن و ھاندانی گەنجان لە بواری ھەڵمەتی تەکنۆلۆجیای نەتەوەیی یەکێکە لە ئامانجەکانی ئێمە.

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın