توركيا

به‌دلیس.. ده‌ریاچه‌ ده‌مه‌وانه‌یی-یه‌ ره‌نگاوڕه‌نگه‌كه‌ی نه‌مرود

- نه‌مرود كه‌ له‌سه‌ر ئاستی جیهان دووه‌مین و له‌سه‌ر ئاستی توركیاش گه‌وره‌ترین ده‌ریاچه‌ی ده‌مه‌وانه‌یی-یه‌ به‌ ئاوێزانبوونی له‌گه‌ڵ ره‌نگی زه‌رد، سه‌وز و سووری پاییزدا پێشوازی له‌ میوانان ده‌كات.

Şener Toktaş,123   | 27.10.2019
به‌دلیس.. ده‌ریاچه‌ ده‌مه‌وانه‌یی-یه‌ ره‌نگاوڕه‌نگه‌كه‌ی نه‌مرود

Bitlis

به‌دلیس – AA

نه‌مرود كه‌ له‌سه‌ر ئاستی جیهان دووه‌مین و له‌سه‌ر ئاستی توركیاش گه‌وره‌ترین ده‌ریاچه‌ی ده‌مه‌وانه‌یی-یه‌ به‌ ئاوێزانبوونی له‌گه‌ڵ ره‌نگی زه‌رد، سه‌وز و سووری پاییزدا پێشوازی له‌ میوانان ده‌كات.

ئه‌م ده‌ریاچه‌یه‌ دوو هه‌زار و ٢٥٠ مه‌تر له‌ ئاستی ده‌ریاوه‌ به‌رزتره‌ و له‌ میانی پڕۆژه‌ی ئاراسته‌ ده‌ستبه‌ژێره‌كانی ئه‌ورووپاوه‌ "خه‌ڵاتی دانسقه‌یی" پێبه‌خشراوه‌ و به‌ "به‌هه‌شتی سه‌ر رووی زه‌وی" ناسراوه‌، جگه‌ له‌ دیمه‌نه‌ دڵڕفێنی سروشتییه‌كه‌ی به‌ گۆماوه‌ سه‌هۆڵی و گه‌رمه‌كانی، ئه‌شكه‌وتی سه‌هۆڵبه‌ند، هه‌ڵمكێش، جۆره‌كانی باڵنده‌ و فره‌یی زینده‌یی چوار وه‌رزی ساڵ گه‌شتیارانی ناوخۆیی و بیانی بۆ لای خۆی راده‌كێشێت.

ژینگه‌دۆستان به‌ مه‌به‌ستی بینینی سه‌رجه‌م ره‌نگه‌كانی پاییز به‌یه‌كه‌وه‌، دێنه‌ تاڤگه‌كه‌ و بۆ زیندووهێشتنه‌وه‌ی یادگارییه‌كانیان وێنه‌ ده‌چركێنن.

هێلێم هوانگ له‌گه‌ڵ هاوسه‌ره‌كه‌ی كه‌ خه‌ڵكی فه‌ڕه‌نسایه‌ سه‌ردانی نه‌مرودی كردووه‌ و به‌ په‌یامنێری ئاژانسی ئانادۆڵوی راگه‌یاند كه‌ ناوچه‌كه‌یان زۆر به‌دڵه‌ بۆیه‌ خیوه‌تیان لێ هه‌ڵداوه‌ و گوتی: "شه‌وان ئاسمانی ئێره‌ ته‌واو جیاوازه‌. زینده‌وارانی نزیك ده‌ریاچه‌كه‌ ده‌بیندرێن. به‌ڕاستی جوانییه‌كی ناوازه‌ی هه‌یه‌".

بوراك ئاڵبایراك-یش كه‌ له‌گه‌ڵ هاوڕێكانی له‌ ئیستانبوڵه‌وه‌ هاتووه‌ ئاماژه‌ی به‌وه‌ دا كه‌ هاتوونه‌ته‌ ناو ئه‌و سروشته‌ دڵڕفێنه‌ی ده‌مێكه‌ ناویان بیستووه‌ و گوتی: "ده‌ڵێی په‌لكه‌زێڕینه‌یه‌ ئێره‌ هێنده‌ ره‌نگاوڕه‌نگه‌. پێشنیاز ده‌كه‌م بۆ هه‌موو كه‌س روو لێره‌ بكات و تاكو له‌ بینینی ئه‌و جوانییه‌ دڵڕفێنه‌ بێبه‌ش نه‌بن".

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın