ئیستانبوڵ - AA

سەرکۆماری تورکیا، رەجەب تەیب ئەردۆغان، لە رێگەی ھەژمار تایبەتی خۆی لە تۆڕی کۆمەڵایەتی تویتەر، رێکارە نوێکانی رێگرتن لە ڤایرۆسی کۆرۆنای نوێ و پاکێجەکانی پاڵپشتی دارایی ئاشکراکرد.

لە تویتەکەی ئەردۆغاندا ھاتووە: "لە یەکەم رۆژەوە، دژی پەتای ڤایرۆسی کۆرۆنا، بە سەرجەم دامەزراوە و تواناکانمانەوە پشتیوانی گەلەکەمانین. بە رێکارەکان و پاکێجەکانی پاڵپشتیی ئابووری، بەردەوام دەبین لە پاراستنی ھاووڵاتییانمان لە کاریگەرییەکانی ئەم قەیرانە".

لەگەڵ تویتەکەی سەرکۆماری تورکیادا، وێنەی پاکێجەکانی پاڵپشتی ھاوپێچکرابوو.

لە پاکێجی پیشەسازیدا سەرکۆماری تورکیا نووسویەتی: "پاڵپشتییەکی دارایی بە بڕی شەش ملیۆن لیرە دەدرێت بەو کارگانەی کە پاککەرەوەی خۆماڵی، دەمامک، چاوێلکە و جلوبەرگی خۆپاراستن بەرھەمدەھێنن".

دەربارەی پاکێچی کار و کاروباری کۆمەڵایەتی، ئەردۆغان نووسیویەتی: "نزمترین مووچەی خانەنشین بۆ ھەزار و ٥٠٠ لیرە بەرزدەکەینەوە و بۆ ھەر خێزانێک بڕی ھەزار لیرەی تورکی وەک ھاوکاری پێشکەش بە دوو ملیۆن خانەوادەی کەم داھات دەکرێت".

ھەروەھای لە ھەمان پاکێچدا ھاتووە: "بۆ ھاووڵاتییانمان لە تەمەنی ٨٠ ساڵ و بەرەوژوور، بەرنامەی پشکنین بەشێوەی خول، دەکرێتەوە".

لە پاکێجی تەندروستیدا، سەرکۆماری تورکیا واژۆی لەسەر ئەم بڕیارانە کردووە: "ملیۆنێک کیتی دەستنیشانکردنی خێرا، لە ماوەیەکی کورتدا دەخرێنە بەکارھێنانەوە".

راشیگەیاندووە: "کارمەندانی تەندروستی بێ بەرامبەر سوود لە ئامرازەکانی گواستنەوەی گشتیی دەبینن".

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.