TEKNOFEST Welatê Şîn" ya ku rengvedana di deryayê da ya vîzyona Hemleya Teknolojiya Neteweyî ye û di çarçoveya TEKNOFEST 2025an da tê lidarxistin, dest pê kir.

TEKNOFEST Welatê Şîn ya ku Ajansa Anadoluyê (AA), Hevkarê wê yê Ragihandina Global e, bi serkêşiya Weqfa Tîma Teknolojiya Tirkiyeyê (T3) û bi hevkariya Wezareta Pîşesazî û Teknolojiyê û Wezareta Parastina Neteweyî tê lidarxistin, li Fermandariya Tersaneya Stenbolê dest pê kir.

Çalakiya ku dê hezkiriyên teknolojî û pîşesaziya parastinê bi mijara deryavaniyê bicivîne dê di 30 û 31ê Tebaxê da ji bo beşdariya gel jî vebe.

Tê pêşbînîkirin ku Serokomar Recep Tayyip Erdogan beşdarî çalakiyên roja ewil bibe û axaftinekê bike.

Di çalakiyê da ya ku li ser deryavanî û teknolojiyên binê behrê hûr dibe, pêşbazî jî dê bên lidarxistin.

Keştiyên giring ên Hêza Deryayê ya Tirkiyeyê yên wekî TCG Anadolu, TCG Îstanbul, TCG Burgazada, TCG Oruçreis, TCG Nusret, TCG Sakarya û TCG Hizirreîs dê di çalakiyê da bên nîşandan.

Di TEKNOFESTê her wiha çalakiyên cuda cuda yên wekî pêşandanên taybet ên Fermandariyên SAT û SASê jî dê cih bigirin.