Muhabere Astsûbay Serçavûş Avciyê ku li Navenda Fotofîlma Sekreteriya Giştî ya Sererkaniyê de wezîfedar bû di Operasyona Şah Firatê de di hundurê wesayîta bi zirx a leşkerî de ji ber qezayê şehîd ket. Îro cinazê Avci yê ku Alaya Tirk lê pêçayî bû anîn goristana Taxa Gurgenagaçê ya navçeya Maçkayê.
Xanima şehîd Şohret, diya wî Fatma, bavê wî Mustafa Avci û ligel xizmên wî yên dîtir Wezîrê Gumruk û Bazirganiyê Nurettîn Canîklî, Waliyê Trabzonê Abdil Celîl Oz, Serokê Şaredariya Mezin Orhan Fevzî Gumrukçuoglu, Fermandarê Garnîzonê Tuggeneral Asim Kocaoglu, Fermandarê Cendirmeyên Bajêr Albay Turgay Aras, Parlementerê CHPyê yê Trabzonê Volkan Canalioglu, Parlementerê MHPyê yê Trabzonê Koray Aydin, Mûdirê Ewlehiyê Mûrat Koksal û gelek welatî beşdarî merasîma leşkerî a li vir bûn.
Di merasîmê de bavê şehîd Mustafa Avciyê ku ancax li ser pêyan dima sersaxî qebûl kir.
Cinazê şehîd Avci li dû nimêja nîvroyê piştî ku hinekî li ser milên leşkeran hat gerandin li heman goristanê hat definkirin.
