AGRI
Li Agiriyê germahiya hewayê di bin sifirê de 25 pile ye. Welatiyên agiriyî yên sewaldariyê dikin, ji ber şert û mercên dijwar ên zivistanê zehmetiyan dikşînin.
Welatiyên ku bi sewaldariyê debara xwe dikin, di rojên sar ên dijwar de, ji bo xwedîkirina pez û dewarên xwe pir li ber xwe didin.
Gundiyên guh nadin serma û berfê, ji bo giha û kayê bidin heywanên xwe, hin qadan ji berfê paqij dikin, giha û kayê lê lod dikin û heywanên xwe têr dikin. Ev pergal wiha dewam dike.
Ji gundiyan Yilmaz Ulker, got ku ew bi sewaldariyê debara xwe dikin û ev rojên dijwar ên zivistanê jî mecbûr in ku heywanên xwe xwedî bikin û wiha dewam kir: "Em debara xwe bi sewaldariyê dikin. Herçiqas hewa sar be jî em mecbûr in ku li heywanên xwe miqat bin û wan têr bikin. Bi rastî em çiqas heywanê xwe baş xwedî bikin, xêr û bêra wan jî ewqas zêde dibe. Li herêmê zivistan gelekî dijwar be jî em mecbûr in ku heywanên xwe baş xwedî bikin."
