Serokomar Erdogan li Naxcivanê ye

Serokomar Recep Tayyîp Erdogan li ser vexwandina Serokomarê Azerbeycanê Îlham Aliyev ji bo ziyareta rojane bi balafira "TUR"ê hat Naxcivanê.

Digel Aliyev, Nûnerê Taybet ê Serokomarê Azerbeycanê Fuad Neceflî, Alîkarê Serokê Meclisa Payebilind a Naxcivanê Anar Îbrahîmov, Waliyê Naxcivanê Mîrsenasî Seyîdov, Balyozê Enqereyê yê Azerbeycanê Reşad Memmedov, Balyozê Bakuyê yê Tirkiyeyê Cahît Bagci û Serkonsolosê Naxcivanê yê Tirkiyeyê Asîp Kaya û rayedarên din Serokomar Erdogan li Balafirgeha Naxcivanê pêşwazî kir.

Wezîrê Hawirdor, Bajarvanî û Guherîna Av û Hewayê Mehmet Ozhasekî, Wezîrê Karên Derva Hakan Fîdan, Wezîrê Vejen û Çavkaniyên Siruştî Alparslan Bayraktar, Wezîrê Parastina Neteweyî Yaşar Guler, Wezîrê Bazirganiyê Omer Bolat, Wezîrê Gîhandin û Binesaziyê Abdulkadîr Uraloglu, Serokê MÎTê Îbrahîm Kalin, Serokê Ragihandina Serokomariyê Fahrettîn Altun, Serşêwirmendê Serokomar Balyoz Akîf Çagatay Kiliç, Berdevkê AK Partiyê Omer Çelîk û hin rayedar jî bi Serokomar Erdogan ra hatin Naxcivanê.

Erdogan wê bi Aliyev ra yek bi yek hevdîtinê bike, beşdarî Merasima Xîmavêtinê ya Xeta Boriya Xaza Siruştî ya Îdir û Naxcivanê bibe, piştî civîna çapemeniyê ya hevpar û merasima îmzeyê wê beşdarî Merasima Vekirinê ya Kompleksa Eskerî ya Temîr û Hilberînê bibe.