Li Gurpinara navçeya Wanê ku zivistan lê zehmet derbas dibe, karê heywandaran di berf û sermayê da bi zehmetî dewam dike.

Welatiyên ku li Taxa Kuşdagiyê ya 10 kîlomêtro nêzîkî navçeyê ye dijîn, serê sibê zû radibin û gîha, ka û êmê heywanên xwe bi xizangan dibin û wan têr dikin.

Li Taxa ku zivistan lê dijwar derbas dibe jin karê malê dikin, nan dipêjin û xwarinê çêdikin.

Ji şêniyên taxê Eşref Keskîner ji nûçegihanê AAyê ra daxuyand ku xwedîkirina heywanan zivistanê zehmettir e, lê ew dîsa jî karê xwe dikin û wiha axivî: "Em serê sibê zû radibin û heywanan dinihêrin. Em gîha, ka û êm didin wan. Dema hewa sar be em wan di tewleyê da têr dikin. Heywandarî karekî bi zehmet û bi mesref e. Ev karê me ye, karekî din a ku em bikin tune."

Abdullah Keskîner jî daxuyand ku ew sibê zû dest bi kar dikin û pezên xwe bi gîha, ka û ceh va têr dikin û wan av didin.