Li rojhilatê welêt li 5 parêzgehan berf dibare

Li Erzirom, Erdexan, Agirî, Tuncelî û Qersê berf dibare.

Li Erziromê barîna berfê ya 3 roj e bi navber didome, ji nîvê şevê û pê va zêde kir.

Bi barîna vê dawiyê va stûriya berfê li navenda bajêr gihîşt 25 santîmetreyî.

Li bajêr bi şev germahiya hewayê 8 pile di bin sifirê da hat pîvan.

Her wiha navenda bajêr bi berfê spî bû û ekîbên şaredariyê xebatên xwe yên avêtina berfê didomînin.

- Erdexan

Li Erdexanê barîna berfê û serma didome.

Li navenda bajêr ji ber berfê rê û peyarê qerimîn.

Ji ber hişkî û qermê di veguhestinê da astengî derdikevin.

- Agirî

Li Agiriyê barîna berfê ya bi şev dest pê kir, heta ber destê sibehê dewam kir.

Piştî barîna berfê kuçe û kolan spîçîl bûn.

Welatiyên serê sibehê çûn kar, berfa li ser wesayîtên xwe avêtin.

Li navçeyan jî berf barî.

Navenda bajêr a berfê rûyê erdê girt, bi dronê hat kişandin.

- Tuncelî

Li Tunceliyê jî bi tesîra sermayê serê çiyayan bû bi mij û dûman û her wiha li ser kuçe û kolanan jî qerm çêbû.

Li hin cihên bilind ên bajêr jî barîna berfê didome.

- Qers

Li Qersê jî barîna berfê tesîreke neyînî li jiyanê kir.

Li bajêr berfa ku bi şev dest pê kir û bi navber dewam kir, rûyê erdê spî kir.

Rêyên ku ji ber berf û hişkiyê şimşat bûn, ji bo ajokaran bû sedema zehmetiyê.

Li navçeya Sariqamîşê berfa duh dest pê kir, didome. Ji ber barîna berfê û her wiha hişkiyê, şembelûk çêbûn.​​​​​​​