Li Bitlîsê "rawestgehên biklîma" hatin çêkirin

BITLÎS

Şaredariya Bitlîsê ya bi biryarnameya Wezareta Karên Navxweyî Şaredar lê hat wezîfedarkirin, ji bo welatî serma nekin 7 rawestgehên biklîma çêkir.

Di daxuyaniya şaredariyê da hat destnîşankirin bona welatî serma nekin rawestgehên girtî yên biklîma hatin çêkirin.

Di daxuyaniyê da hat destnîşankirin li Bitlîsê şert û mercên zivistanê zor û dijwar in û wiha hat gotin: "Bi taybetî kesên kal, pîr, nexweş û zarok li rawestgehên otobêsan û zor û zehmetiyê dikşînin. Ji bo zivistanê germ bike û havînê jî hênîk bike 7 rawestgehên biklîma hatin çêkirin. Wê hejmara rawestgehên bi vî rengî zêde bibin."

Hat destnîşankirin wê wezîfedarên rawestgehan hebin û rawestgehan kontrol bikin.

- "Berê em li derva rûdiniştin û me serma dikir"

Ji welatiyan Şahîn Çetînkaya daxuyanî da nûçegihanê AAyê û got şaredarî xizmeteke gelekî baş dike. Çetinkaya got ku ev xizmet bi taybetî ji bo jin û zarokan gelekî baş bû û wiha axivî:

"Xwezî li hemû kolanan hebûya. Hundirê rawestgehê gelekî xweş û germ e. Li Bitlîsê hewa gelekî sar e. Tiştekî gelekî baş e. Me gelekî eciband."

Halîl Ozun jî got beriya van rawestgehan em gelekî dicemidîn û wiha dewam kir: "Niha rawestgehên sergirtî hatin çêkirin. Berê em gelekî dicemidîn. Em ji waliyê xwe û şaredariyê re gelekî spas dikin."