Germavên Diyadînê her demsal ji nexweşan ra şifa ye

Germavên li Diyadîna navçeya Agiriyê yek ji wan navendên turîzmê yên herî girîng ên Herêma Rojhilatê Anadoluyê ye ku her demsal mazuwaniya turîstên herêmî û biyanî dike.

Germavên 10 kîlometre dûrî navenda navçeya Diyadînê ne li ser qadeke 48 kîlometrekareyî ya jeotermal xizmetê dide.

Bi çêkirina tesîsên çavkaniyên jeotermal va hejmara germavan zêde bûye û yek ji navendeke sereke ya turîzma jeotermal a herêmê derdikeve pêş.

Germavên li herêmê sal 12 meh xizmetê didin welatiyên ji bo pirsgirikên tenduristiyê yên wekî çerm û romatîzmayê şifayê digerin.

- Hewzên servekirî di dermayê da jî eleqeyê dibîne

Hewzên havînê ji welatiyan ra dibin şifa, di 6 mehên zivistanê yên sar û berfê da jî mazuwaniya wan dikin.

Kargerê germavê Mahmut Ozden ji nûçegihanê AAyê ra daxuyand bi piştgiriya dewletê di salên dawîn da wan tesîsa xwe firehtir kiriye û wiha axivî: "Germavên me yên jora wê ode, binê wê hewz wek malê hene. Tesîsa me pir baş e û em hewl didin xizmetên baştir bikin. Ji Amerîkayê qefleyeke turîstan hat û di vê sermayê da ketin hewz, pir jî kêfxweş bûn. Ji bo xizmeteke baştir divê em veberhênanan bikin. Ava germavê bedenê rehet dike û şifa ye. Ji bo nexweşiyên ba, piştêşê, damar û çêrm pir baş e."

Fatîh Koçê ji Wanê hatiye jî got ew her demsal tên ku bikevin germavê.

Abdullah Ari jî anî ziman ew ji Wanê hatiye û wiha dewam kir: "Qasî salekê ye ez hema bibêje her hefte têm germavê. Feydeya wê zêde ye, avê wê xweş e."