Walîtiya Bidlîsê ragihand ku Kalderaya Nemrûdê ya li navçeya Tetwanê di navbera 1-15ê îlonê da ji ziyaretê ra hat girtin.

Di daxuyaniya walîtiyê da hat diyarkirin ku hirçên li kalderayê dijîn heywanên kovî ne û taybetmendiyên wan ên kovî dewam dikin û cinseke dirinde ne û ziyaretvanên ku bi navê "qenciyê" xwarinê didin hirçan bandoreke neyinî li ser tebîetê xwarina wan dike.

Di daxuyaniyê da hat diyarkirin ku hirç êdî hewcehiya xwe ya xurekê piranî ji ziyaretvanan temîn dikin û ev hatin gotin:

"Di van rojên dawîn da wekî ku di çapemeniya dîtbarî ê nivîskî da hat dîtin hat raçavkirin ku komeke hirçên ku heywanên kovî ne êrîşî ziyaretvanan dikin. Ev êrîş gelekî xeternak in. Li temamiya qadê ji bo tevdîrên ewlehiyê tabela hatin danîn û peywirdarên Midûriya Herêma Parkên Neteweyî û Parastina Tebîetê û Fermandariya Cendirmeyan a Bajêr herçiqas tevdîrên hewce hildabin jî hin ziyaretvan dijî heywanên kovî tevgerên ku ewlehiya wan dixin xetereyê nîşan didin û guh nadin hişyariyan û bi destê xwe hirçan xwedî dikin. Di encamê da hirç êrîşî ziyaretvanan dikin."

Di daxuyaniyê da hat gotin ji bo ku li Bîrdariya Tebîetê ya Kalderaya Nemrûdê xisara can û malê ya ku telafiya wê pêkan nîne çênebe di çarçoveya mewzûadê da ji bo demekî berwext di navbera 1-15ê îlonê da Kalderaya Nemrûdê ji ziyaretê ra hat girtin."