Berikên Wanê wê li 'malan' bên firotin

VAN

Berikên Wanê yên ku jinan li qursên şaredariya Tuşbayê çêkiribûn wê li 'malên Wanê' bên firotin.

Li Şaredariya Tuşbayê bi arîkariya Qaymaqamtiyê, ÎŞKUR û Midûriyeta Perwerdeya Neteweyî ya Navçeyê bona jinan gelek qurs hatin vekirin.

Ji wan qursan yek jî seba berikan li Lîseya Îmem Xetîb ya Anadoluyê a Şehîd Ferhat Aslan hat vekirin. Berikên li vê derê hatibûn çêkirin wê li 'malên Wanê' bên firotin.

Der barê qursa berikan da Serokê Şaredariya Tuşbayê Fevzî Ozgekçe daxuyaniyek da û got ku jinan 25 berik çêkirine. Ozgokçe wiha axivî:

"Em dixwazin berikên Wanê li hemû dinyayê bidin nasîn. Em ê van berikan li 'malên Wanê' yên ku me ji bona turîzmê dabûn çêkirin bifiroşin. Armanceke me ya din jî ew e ku jinên me li malên xwe vala nesekinin û arîkariya malbatên xwe bikin."

Ozgokçe got ku par 800ê wan jin bi tevahî hezar û 200 kes beşdarî qursên wan bûne.