Îngiltereyê li ser protestoyên li Îranê daxuyanî da

LONDRA

Wezîrê Karên Derva yê Îngiltereyê Borîs Johnson ragihand ku ew xwepêşandanên li Îranê ji nêz va dişopînin û li gor baweriya wan der heqê pirsgirêkên girîng ên ku xwepêşandêran anîn rojevê da divê nîqaşeke watedar û meşrû were kirin.

Johnson di daxuyaniya xwe ya nivîskî da li ser protestoyên ku li Îranê dewam dikin, sekinî.

Johnson destnîşan kir ku ew bûyerên Îranê ji nêz va dişopînin û wiha dewam kir: "Li gor baweriya me der heqê pirsgirêkên girîng ên ku xwepêşandêran anîn rojevê da divê nîqaşeke watedar û meşrû were kirin. Em hêvî dikin ku rayedarên îranî destûrê bidin vê yekê."

Johnson got ku divê mirov bi azadî xwe bikaribin îfade bikin û di çarçoveya qanûnan da bikaribin xwepêşandanên aştiyane bikin.

Johnson diyar kir ku divê hemû alî li gor mafên mirovan hereket bikin û ji şidetê dûr bikevin.

Li Meşheda bajarê Îranê roja pêncşemê bêyî ku tu partiyeke siyasî bangewaziyê bike grûbek civiya û ji bo ku şert û mercên aboriyê yê welêt protesto bikin, xwepêşandan dabûn destpêkirin. Xwepêşandan veguherîbûn protestoya dijayetiya rejimê û li gelek bajaran belav bûbû.