YE û Îngiltereyê Brexit avêtin 31ê cotmehê

Donald Tuskê Serokê Konseya Yekîtiya Ewropayê (YE) got, "27 welatên endamê YEyê û Îngiltereyê li hev kirin ku Brexitê hetanî 31ê cotmehê paşda biavêjin."

Dema Lûtkeya Brexitê ya li Brukselê hat lidarxistin Tusk li ser hesabê xwe yê Twîtterê peyam nivîsî û diyar kir ku YEyê û Îngiltereyê li hev kirin ku Brexitê hetanî 31ê cotmehê paşda biavêjin.

Tusk diyar kir ku ji bo Îngiltere çareseriya herî baş bibîne 6 meh dem danê û wiha got: "27 welatên endamê YEyê û Îngiltereyê li hev kirin ku Brexitê hetanî 31ê cotmehê paşda biavêjin."