SILÊMANIYE
Li Herêma Kurdistana Iraqa Federal (HKIF), li navçeya Seyidsadiqa ku girêdayî Silêmaniyeyê ye çalakiyên ku ji bo Helepçe nebe bajêr hatin li dar xistin, piştî ku Serokê Şaredariyê Cemal Heme îstifa kir, bi dawî bûn.
Çalakî du roj domiyan û hat diyar kirin ku di protestoyan de kesek mir û 144 kes jî birîndar bûn.
Çalakvanan diyar kirin ku heta hevalên wan ên derdestkirî neyên berdan dê çalakiyên xwe bidomînin. Komeke parlamenter ên ji Partiya Yekîtiya Îslamî (YEKGIRTÛ), Partiya Civaka Îslamî (Komele), Yekîtiya Niştimaniya Kurdistanê (YNK), Partiya Demokrat a Kurdistanên (PDK) û Partiya Goranê çûn navçeyê. Piştî hewldanên parlamenteran pêşî Qeymeqam Erkan Hasan û paşê jî Serokê Şaredariyê Cemal Heme îstifa kirin.
