Li fabrîqeyeke li taxa niştecihbûnê ya li Hewlêra bajarê Herêma Kurdistana Iraqê şewateke mezin derket, ji ber vê dibistanên li vê herêmê hatin tetîlkirin.

Serê sibê li fabrîqeyeke cîpsan a li ser rêya Hewlêr-Pîrmamê, ji ber sedemeke hê ne diyar e şewat derket.

Şewata di fabrîqeya ku li ser erdekî 4 hezar mêtroqereyî û qismeke wê di nav niştecihbûnê da ye bû sedema tirs û xofê.

Ekîbên parastina sivîl ji bo ku şewatê vemirînin xebitîn.

Li gorî daxuyaniyên ewil kes nemiriye.

Gelê herêmê anî ziman ku dengê teqînekê hatiye û paşê di cihê depoyê ya servekirî da şewatê dest pê kiriye û paşê jî belavî hemû fabrîqeyê bûye.

Ji ber ku şewateke mezin e dibistanên nêzîkî fabrîqeyê ji bo ewlehiyê hatin tetîlkirin.

Li gorî çavkaniyên herêmî, Midûriyeta Parastina Sivîl a Hewlêrê çend caran bi nivîskî hişyarî dane fabrîqeyê ku cihê wê yê di nav niştecihbûnê da ne guncav e.