Li Efxanistanê helîkoptera eskerî ya Amerîkayê ket: 2 mirî

Hat ragihandin ku li Efxanistanê helîkoptereke yekîneyên Amerîkayê ku di bin sîwana NATOyê da peywirê dike, ket xwarê û di encamê da 2 eskerên Amerîkayê mirin.

Di daxuyaniya Hêzên NATOyê li Efxanistanê da hat ragihandin ku di qezaya helîkopterê da 2 eskerên Amerîkayê mirin.

Herwiha hat destnîşankirin ku sedema qezayê tê lêkolînkirin û herwiha li gorî lêkolînên destpêkê, qeza ne ji ber guleyên dijmin qewimî.

Ew zanyarî nehatin parvekirin ka qeza li kuderê çêbû û yên canê xwe dan kê ne.

Di daxuyaniya Talibanê da jî hat îdiakirin ku helîkoptera Amerîkayê li parêzgeha Logarê li navçeya Çarhê bi destê milîtanan hat xistin.