Balafirên Îsraîlê êrîşên esmanî birin ser Xeta Xezeyê

Balafirên şer ên Îsraîlê êrîşên esmanî birin ser sê herêmên cuda yên Xeta Xezeyê.

Li gor agahiya ku nûçegihanê AAyê veguhast, balafirên Îsraîlê êrîşî herêmên Refah, Xan Yûnis û Beyt Lahyayê ku dikevin başûrê Xezeyê, kirin.

Artêşa Îsraîlê li ser êrîşê hê tu daxuyanî nedaye.

Agahî nehat dayîn bê ka di encama êrîşan da kuştî an jî birîndar hene an na.

Îsraîlê duh daxuyandibû ku di nav 48 saetên dawîn da ji Xezeyê sê roket hatin avêtin û ev roket ji aliyê "Qubeya Hesin" a pergala parastina esmanî va hatin îmhekirin.