Li Endonezyayê êrîşa bibombe birin ser dêrê

Li bajarê Makassarê yê paytextê eyaleta Sulawesiya Başûr a Endonezyayê bi bombeyan êrîşî dêrê kirin û di êrîşê da 14 kes birîndar bûn.

Berpirsê Têkiliyên Gel a Ewlehiya Sulawesiya Başûr E Zulpan daxuyanî da û diyar kir, li gor tedqîqata ewil bûyer êrîşa xwekujiyê ye.

Berdevkê Midûriya Ewlehiya Neteweyî Argo Yuwono jî diyar kir, di êrîşa dêrê da 14 kes birîndar bûn û tedawiya wan li nexweşxaneyê dewam dike û hêzên asayîşê yên dêrê jî di nav da ne.

Li gor daxuyaniya ku ji Ewlehiya Sulawesiya Başûr hat dayîn, 2 êrîşkarên ku siwarê motosîkletê bûn, yekî li gor saeta herêmî di 10.28ê da bombeya li ser xwe teqand. Der barê êrîşkarê din da tu daxuyanî nehat dayîn.

Cimaet û saziyên civaka sivîl ên Îslamî yên weke Nahdlatul Ulama (NU) û Meclisa Ulemayan (MUI) êrîş şermezar kir.

Şaredarê Makassarê Mihemed Ramadhan Pomanto diyar kir, di dêrê da seba ayînê meriv civiyabûn û di êrîşê da tiştek bi wan nehat.

Hê kesî êrîşa pêşiya dêrê hilnedaye ser xwe.