Li Haskoya navçeya Mûşê cotkar çîlekên îsal ên ewil berhev dikin.

Li navçeyê 13 kesan bi piştgiriya dewletê baxçeyên çîlekan ava kirin ku berhevkirina wan dest pê kir.

Midûrê Çandinî û Daristanan a Navçeyê Nahît Aykut ji nûçegihanê AAyê ra daxuyand ku bi piştgiriya dewletê baxçeyên çîlekan hatin avakirin û 13 cotkar niha vî karî dikin.

Aykut wiha axivî: "Salê 7-8 caran çandinî tê kirin. Serê donimê salê 2 ton çîlek tê berhevkirin. Bihayê wê li cem firoşkarên komî 100 lire ye. Hewcedariya bajarê me û marketên mezin a çîlekan ji sedî 80 ji navçeya me ya Haskoyê tê bidestxistin. Ji bo aboriya navçeya me salê 2 milyon lire dahat tê bidestxistin."

Orhan Onayê karê hîlberîna çîlekan dike jî got karê wan bi bereket e û anî ziman ku mirov tên baxçeyê û bi xwe çîlekan berhev dikin.

Onay wiha got: "Em kîloya wê bi 100 lireyî difroşin. Em salê nêzîkî 2 ton çîlek berhev dikin."