Li Mûşa ku zivistana wê çetin e, tîmên berfê ji bo vekirina rêyên ji ber berfê girtî ne xebatên xwe didomînin.

Ji ber berf û bagera ku bi rojan e bandorê li bajêr dike, gelek rêyên gund û mezrayan hatine girtin.

Tîmên paqijkirina berfê yên Îdareya Taybet ya Mûşê piştî ku di saetên serê sibehê da amadekariyên xwe li şantiyeyan temam kirin, tevî şert û mercên hewayê yên dijwar jî bi makîneyên xwe derdikevin rê.

Tevî hewaya sar, tîm bi şev û roj dixebitin da ku rêyan vekirî bihêlin.

Şeyhmus Yenturê Sekreterê Giştî yê Îdareya Taybet ya Mûşê di daxuyaniya xwe da got ku ew bi 68 makîneyên kar û 100 personelî xebatên paqijkirina berfê dimeşînin.