Dashamirësit e natyrës që vizitojnë Rrafshnaltën Alandeşt në Van të Turqisë, në një lartësi prej 2.600 metrash, shijojnë ajrin e freskët duke kampuar midis gjarpërimeve të formuara nga përrenjtë, raporton Anadolu.

Rrafshnalta me lartësi 2.600 metra, me bukurinë e saj natyrore, është një nga vendet e preferuara për vizitorët vendas dhe ndërkombëtarë gjatë muajve të verës.

Vizitorët që dëshirojnë të vizitojnë rrafshnaltën, e cila ndodhet 80 kilometra larg qytetit, mund të arrijnë në zonë me automjet dhe pastaj të ecin përgjatë një shtegu deri te burimet e ujit.

Rrafshnalta, e cila tërheq vizitorët me ajrin e saj të pastër dhe të freskët, ujërat gjarpëruese dhe bimësinë e pasur, u ofron vizitorëve mundësinë të kalojnë kohë në kontakt me natyrën dhe të eksplorojnë bukurinë e rrafshnaltës përmes kampingut.

Një ekip prej 30 anëtarësh të Klubit të Sporteve Natyrore Vadi nisën rrugën e tyre drejt pllajës në një mjedis të qetë, duke kampuar për dy ditë përgjatë gjarpërimeve të formuara nga përrenjtë dhe duke u freskuar në peizazhin e bukur.

"Edhe pse është gusht, ka ende gjelbërim"

Anëtari i Klubit të Sporteve Natyrore Vadi, Hüseyin Demez, tha se ata kanë kampuar në Pllajën Alandeşt katër herë këtë vit.

Demez theksoi se rajoni ka potencial të lartë për turizmin në pllajë falë atmosferës paqësore dhe bukurisë natyrore.

"Pllaja ku ndodhemi kufizohet me tre qytete. Ka qenë shumë vapë këtë vit. Ne i shpëtuam vapës së qytetit dhe erdhëm në këtë pllajë, e cila ndodhet në një lartësi prej 2.600 metrash. Ka një fllad të mrekullueshëm të freskët midis gjarpërimeve tani. Kemi disa që vijnë për herë të parë dhe disa miq që vijnë këtu për herë të katërt. Duam që të gjithë të vijnë dhe ta shohin këtë vend", tha Demez.

"Është një zonë shumë e bukur dhe e freskët"

Hakan Can, një vizitor i zonës tha: "Kam dashur të vij në këtë pllajë për një kohë të gjatë. Është një zonë shumë e bukur dhe e freskët. Ne ngritëm kamp midis lumenjve. Doja të përfitoja nga kjo mundësi e mrekullueshme. Pres që të gjithë të vijnë këtu".

Kemal Tekdemir, i cili erdhi për vizitë nga Kayseri, tha: "Në vendin tonë mbizotëron vapa e shkretëtirës. E pashë këtë vend në rrjetet sociale. Erdha në Van për të marrë pjesë në aktivitetin e kampingut. Kishim një vend të mrekullueshëm kampingu pranë lumenjve. Moti është i freskët. Jam shumë i lumtur që jam këtu".

E pasonuara pas natyrës, Hilal Koca gjithashtu tha: "Erdha këtu për t'u larguar nga vapa. Pllaja është e bukur. Po kalojmë shumë mirë. Të gjithë janë të mirëpritur".