Turqi, Bursa e Stambollit arrin nivelin më të lartë ndonjëherë

ANKARA (AA) - Indeksi i bursës së Turqisë arriti shkallën më të lartë të të gjitha kohërave, duke shkuar në 112.073,51 pikë gjatë seancës së mëngjesit të mërkurën, raporton Anadolu Agency (AA).

Indeksi BIST 100 i Bursës së Stambollit filloi ditën me rritje prej 0.34 për qind, për t'u hapur në 110.512,91 pikë. Të martën, indeksi u mbyll me 110.142,60 pikë me një vëllim tregtar prej 7.2 miliardë lirash turke (1.89 miliardë dollarë).

Javën e kaluar, midis 20 tetorit dhe 27 tetorit, BIST 100 shënoi rënie javore prej 0.55 për qind, ndërsa performanca mujore e saj ishte një rritje prej 7.03 për qind në tetor.

Që nga fillimi i këtij viti, BIST 100 është rritur për 41.65 për qind, nga afërsisht 77.754,46 pikë më 2 janar, që paraqet ditën e parë tregtare të vitit 2017.