Turqi, arrestohen 10 anëtarë të dyshuar të FETO-s

Forcat turke të sigurisë arrestuan sot 10 të dyshuar për lidhje me Organizatën Terroriste FETO, grupi që qëndron pas grushtit të shtetit të mposhtur në vitin 2016, njoftuan zyrtarët e sigurisë, transmeton Anadolu Agency (AA).

Prokurorët lëshuan urdhër-arreste për 13 të dyshuar të lidhur me FETO-n, thuhet në deklaratën e prokurorëve në kryeqytetin Ankara.

Në mesin e të dyshuarve janë 2 oficerë të pensionuar të Forcave Ajrore Turke dhe 11 kadetë të pushuar më parë.

Në ndërkohë janë duke u zhvilluar operacionet për arrestimin e të dyshuarve të mbetur.

FETO dhe udhëheqësi i saj me qendër në SHBA, Fetullah Gülen, orkestruan tentativën për grusht shteti të 15 korrikut 2016, në të cilën ranë 251 dëshmorë dhe 2.734 të tjerë u plagosën.

Ankaraja akuzon gjithashtu FETO-n se qëndron pas një fushate të gjatë për të përmbysur shtetin përmes infiltrimit në institucionet turke, veçanërisht në ushtri, polici dhe gjyqësor.