Türkiye, 2 gra shpëtohen pas 48 orësh nga rrënojat në Hatay

Dy gra u shpëtuan pas 48 orësh nga rrënojat e një pallati në Hatay i cili u shemb nga tërmetet me qendër në qytetin Kahramanmaraş të Türkiye-s dhe i cili ka prekur 10 qytete të vendit, raporton Anadolu.

Punimet e kërkim-shpëtimit vazhduan në pallatin e shembur Vilyam në bulevardin "İnönü" në lagjen Kışlasaray të qytetit Hatay pas tërmeteve 7.7 dhe 7.6 ballë me epiqendër rajonet Pazarcık dhe Elbistan.

Në punimet e kryera nga ekipet e kërkim-shpëtimit dhe personeli ushtarak, u shpëtuan nga rrënojat Mona Gazel (52) dhe Necla Melek (74).

Pas kontrolleve shëndetësore Gazel dhe Melek u dërguan në spital.

Ndërkohë bëhet e ditur se ekipet vazhdojnë punimet e kërkim-shpëtimit nën rrënoja.