Shembet një ndërtesë në Stamboll

Një ndërtesë katërkatëshe u shemb sot në lagjen Kağıthane të Stambollit, raporton Anadolu Agency (AA).

Ndërtesa u shemb pas evakuimit, i cili erdhi për arsye të rrezikut që u paraqit pas shembjes së mureve mbështetëse të një strukture në ndërtim e sipër në afërsi.

Dy automjete kanë ngelur nën rrënoja.

Policia mori masa të sigurisë në vendin e ngjarjes, ndërkohë që ekipet e zjarrfikësit janë duke i vazhduar punimet.