Presidenti Erdoğan dhe zonja e parë shënojnë 8 Marsin

Presidenti i Turqisë, Recep Tayyip Erdoğan, dhe bashkëshortja e tij, Emine Erdoğan, kanë publikuar mesazhe urimi me rastin e 8 Marsit, Ditës Ndërkombëtare të Gruas, transmeton Anadolu Agency (AA).

"Ua uron 8 Marsin, Ditën Ndërkombëtare të Gruas, grave tona, të cilat luajnë një rol jetësor në formësimin e së ardhmes sonë me sakrificat, përpjekjet, dashurinë dhe luftën dhe janë mësuesit e parë të njerëzimit", ka shkruar Erdoğan në Twitter.

Ndërkaq, zonja e parë Emine Erdoğan postoi gjithashtu një mesazh në Twitter duke uruar të gjitha gratë me rastin e 8 Marsit dhe duke shprehur shpresë që të gjitha t'i arrijnë të drejtat e tyre të plota.

"Të gjitha vendet ku strehohemi strehat janë gra, si mëmëdheu, gjuha amtare, shtëpia e nënës dhe Anadolli", shkroi ajo, duke iu referuar fjalëve në gjuhën turke me parashtesën "ana", që ka kuptimin "nënë".

"Gratë tona, që gjithmojnë prodhojnë, ushqejnë, punojnë dhe janë pranë djepit, janë yjet udhërrëfyese të Turqisë", shtoi ajo.