Neutralizohen 3 terroristë të PKK-së në veri të Irakut

Së paku 3 pjesëtarë të organizatës terroriste të PKK-së janë neutralizuar në kuadër të operacionit “Kthetra-Tigër”, që forcat turke e zbatojnë në veri të Irakut, transmeton Anadolu Agency (AA).

Ministria e Mbrojtjes njoftoi se forcat tuke me operacionin e suksesshëm neutralizuan 3 terroristë të PKK-së.

Në njoftim thuhet se operacionet do të vazhdojnë derisa nga ky rajon nuk çrrënjoset edhe terroristi i fundit.

Forcat turke të sigurisë zbatojnë luftë të gjerë kundër terroristëve të PKK-së brenda Turqisë por edhe në Irak dhe Sirinë fqinje. PKK është një organizatë separatiste që gjendet në listën e grupeve terroriste në Turqi, Bashkimin Evropian dhe Shtetet e Bashkuara të Amerikës (SHBA). Gjatë fushatës terroriste tre dekadashe kundër Turqisë, terroristët e PKK-së vranë të paktën 40 mijë persona.