Mbretëria e Bashkuar revokon rreth 600 pjesë të legjislacionit të BE-së

Legjislacioni për heqjen e 587 pjesëve të Ligjit të Bashkimit Evropian (REUL) hyri në fuqi të dielën në Mbretërinë e Bashkuar pas miratimit të projektligjit të Ligjit të BE-së (Revokimi dhe Reforma) në Parlament, raporton Anadolu.

Qeveria britanike prezantoi Projektligjin për Liritë e Brexitit vitin e kaluar për t'i dhënë fund statusit special të të gjithë ligjeve të BE-së deri më 31 dhjetor 2023.

Projektligji, i cili lidhet me ligjin e BE-së, u prezantua në Mbretërinë e Bashkuar përmes Aktit të BE-së (Tërheqja) të vitit 2018.

"Brexit" është shkurtesa e dy fjalëve angleze - "Britain" dhe "exit" - dhe i referohet procesit të tërheqjes së Mbretërisë së Bashkuar nga BE-ja.

Projektligji përmban një dispozitë me të cilën vazhdon skadimin e disa pjesëve të ligjit të BE-së deri në qershor 2024 nëse është e nevojshme dhe fillimisht kishte për qëllim të hiqte të gjitha ligjet e epokës së BE-së nga libri i statutit të Mbretërisë së Bashkuar.

Ligji u mendua për të shmangur boshllëqet e mëdha në librin e statutit që përndryshe do të shfaqeshin pasi Britania e Madhe u largua nga BE-ja dhe ligji i BE-së pushoi së zbatuari në Britani.

Zyrtarët qeveritarë thanë në maj se rreth 3.000 pjesë të ligjit evropian do të mbeteshin për një kohë të pacaktuar.

Në referendumin e vitit 2016 për Brexitin, shumica votoi për largimin e vendit nga BE-ja.

Pasi nënshkrimit të marrëveshjes së Brexitit nga përfaqësuesit e Britanisë dhe BE-së më 24 janar 2020, Mbretëria e Bashkuar u tërhoq zyrtarisht nga blloku më 31 janar të po atij viti.