Francë, Macron humb shumicën absolute në zgjedhjet legjislative

Aleanca “Ensemble” e presidentit francez Emmanuel Macron nuk arriti të sigurojë shumicën absolute në zgjedhjet legjislative në vend, duke e vënë shumicën presidenciale në rrezik të krijimit të aleancave me partitë e tjera, raporton Anadolu Agency (AA).

Sondazhet e shumta dalëse nga rezultatet e raundit të dytë parashikuan aleancën “Ensemble” (Së bashku) të Macron-it në krye, por shumë më poshtë kufirit të artë prej 289 vendesh, të nevojshme për të formuar shumicën parlamentare.

Sipas vlerësimeve të firmës së sondazheve Elabe për BFMTV dhe L'Express, kampi i Macron-it do të fitojë midis 205 dhe 235 vende në Asamblenë Kombëtare, ndërsa France 24 ka parashikuar 224 vende.

Kjo është hera e parë që nga viti 1998 kur ish-presidenti Francois Mitterrand u gjend në një situatë të ngjashme, duke fituar më pak vende në zgjedhjet legjislative.

Rezultatet janë “larg nga ajo që shpresonim”, përmblodhi situatën ish-zëdhënësi i qeverisë dhe ministri i Llogarive Publike Gabriel Attal, sipas një lajmi nga BFMTV.

Shifrat e ulëta e vendosin Macron-in në një situatë të vështirë, pasi ai tani do të duhet të mbledhë shumicën duke formuar aleancë me partitë e tjera, për të siguruar një shumicë parlamentare që do të jetë vendimtare për vazhdimin e agjendës së mandatit të dytë të qeverisë së tij.

Sondazhet sugjeruan se shumica e votuesve kanë dëshiruar që një kryeministër i krahut të majtë dhe qeveria të mbështesin agjendën e majtë.

Sfiduesi kryesor i koalicionit të Macron-it, koalicioni politik i sapoformuar i krahut të majtë, NUPES (Unioni i Ri Popullor Ekologjik dhe Social) i udhëhequr nga Jean-Luc Melenchon, vlerësohet të fitojë midis 149 dhe 190 vende.

Melenchon, i cili doli në pozitën e tretë gjatë zgjedhjeve presidenciale, rezultatin e përshkroi si “situatë krejtësisht e papritur”, duke thënë: “Ne kemi arritur objektivin tonë politik ... për të rrëzuar atë me arrogancë që kishte shtrembëruar krahun e të gjithë vendit”.

Befasia e këtyre rezultateve është Fronti Kombëtar i lideres të së djathtës ekstreme Marine Le Pen, i cili pritet të sigurojë diku nga 75 deri në 95 vende, një fitore e madhe, pasi ky subjekt aktualisht ka vetëm tetë vendet në Asamblenë Kombëtare.

Ajo përshëndeti rezultatin historik të kandidatëve të partisë së saj që formuan grupin më të madh të ligjvënësve në parlament, që nga fillimi i partisë në vitet 1970, sipas BFMTV-së.

Partia socialiste “Les Republicains”, e cila performoi dobët në zgjedhjet presidenciale të fundit, mund të fitojë rreth 60-70 vende.