Mozaiku më i vjetër në botë zbulohet në Turqinë qendrore

Gërmuesit kanë zbuluar një mozaik 3.500 vjeçar, më i vjetri në botë, në Turqinë qendrore, raporton Anadolu Agency (AA).

Mozaiku, i përbërë nga 3.147 gurë me madhësi 3x7 metra, u gjet në Uşaklı Höyük që ndodhet në rrethin Sorgun të provincës Yozgat, ku vëzhgimet sipërfaqësore kanë filluar në vitin 2008 dhe gërmimet në vitin 2012.

Gërmimet po kryhen bashkërisht nga Drejtoria e Përgjithshme e Trashëgimisë Kulturore dhe Muzeve, Universiteti Bozok dhe Universiteti i Pizës i Italisë, tha Hüseyin Çiftçi, drejtori provincial i Kulturës dhe Turizmit.

“Në studimet shkencore, është përcaktuar se mozaiku i gjetur është mozaiku i parë në historinë botërore. Kallëpi i mozaikut gjithashtu e mbështet këtë, pasi është mjaft primitiv. Ne po planifikojmë ta fitojmë këtë vend në sektorin e turizmit”, tha Çiftçi.

Anacleto D'agostino, ligjërues në Universitetin e Pizës dhe kreu i ekipit të gërmimeve, tha se mozaiku që ata gjetën i përket viteve 1.500 para erës sonë.

Gjithashtu, duke deklaruar se mozaiku është më i vjetri në botë, ai tha: “Ne e dimë që ka mozaikë të ngjashëm në Greqi, por ne mendojmë se mozaiku këtu është më i vjetër se ai atje”.