Vlerë rekorde e aksioneve të Facebook dhe Netflix

NEW YORK (AA) – Rrjeti i popullarizuar social Facebook dhe kompania Netflix kanë realizuar vlerën rekord të aksioneve, raporton Anadolu Agency (AA).

Sipas Indeksit të teknologjisë Nasdaq, vlera e aksioneve të rrjetit shoqëror Facebook është rritur në 203.54 dollarë, një vlerë rekord që nga themelimi i kompanisë. Vlera totale e Facebook vlerësohet në 587 miliardë dollarë.

Kompania Netflix ka regjistruar vlerën për një aksion prej 419.38 dollarë, që po ashtu është vlerë rekorde e kësaj kompanie. Vlera e përgjithshme e Netflix-it është 175 miliardë dollarë.

Forcimi i vlerës së aksioneve të Facebook dhe Netflix reflektoi pozitivisht indeksin Nasdaq, i cili u forcua dukshëm dhe regjistroi një rekord prej 7.781.51 pikë.