Dilara Zengin Okay
05 Janar 2022•Përditësim: 06 Janar 2022
Administrata amerikane e ka vendosur në listën e sanksioneve anëtarin serb të Këshillit Presidencial të Bosnjë dhe Hercegovinës (BeH), Milorad Dodik, për korrupsion dhe kërcënim të stabilitetit dhe integritetit territorial të vendit, transmeton Anadolu Agency (AA).
Në një deklaratë nga Departamenti i Thesarit thuhet se Zyra e Kontrollit të Pasurive të Huaja (OFAC) ka shtuar Dodikun dhe televizionin nën kontrollin e tij “Alternativna” në listën e sanksioneve si reagim ndaj aktiviteteve të tij të korrupsionit dhe kërcënimeve të vazhdueshme ndaj stabilitetit dhe integritetit territorial të Bosnjë dhe Hercegovinës.
Deklarata theksoi se korrupsioni dhe aktivitetet destabilizuese të Dodikut kanë dëmtuar progresin 26-vjeçar në rajon që nga Marrëveshja e Paqes e Dejtonit.
Duke vënë në dukje se Dodik ka dobësuar institucionet shtetërore në Bosnjë dhe Hercegovinë duke bërë thirrje për marrjen e pushtetit shtetëror dhe duke tentuar krijimin e institucioneve paralele, departamenti amerikan tha se lideri serb përdori pozicionin e tij zyrtar për të rritur pasurinë e tij personale përmes ryshfetit dhe metodave të tjera të korrupsionit.
