Ekonomi

Qarkullimi total i ekonomisë turke dyfishohet në mars

Kjo u nxit nga rritja e konsiderueshme në sektorët e industrisë, ndërtimit, tregtisë dhe shërbimeve, njoftoi Instituti i Statistikave (TurkStat)

Tuba Onğun   | 13.05.2022
Qarkullimi total i ekonomisë turke dyfishohet në mars

Ankara

Qarkullimi total i ekonomisë turke është rritur me 112.9 për qind në nivel vjetore në mars, bëri të ditur sot autoriteti statistikor i vendit, transmeton Anadolu Agency (AA).

Kjo u nxit nga rritja e konsiderueshme në sektorët e industrisë, ndërtimit, tregtisë dhe shërbimeve, njoftoi Instituti i Statistikave (TurkStat).

Rritja më e madhe vjetore prej 130.6 për qind u regjistrua në sektorin e shërbimeve, e ndjekur nga industria me 126.4 për qind.

Qarkullimi në sektorin e tregtisë dhe ndërtimit u rrit përkatësisht me 102.3 për qind dhe 83.2 për qind gjatë këtij muaji.

“Industria u rrit me 6.9 për qind, ndërtimi me 9.1 për qind, tregtia me 8.6 për qind dhe shërbimet u rritën me 10.9 për qind në bazë mujore në mars 2022”, thuhet në një deklaratë të TurkStat.




Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın