Gjermani, inflacioni në 7.6 për qind në qershor

Shkalla vjetore e inflacionit të Gjermanisë arriti në 7.6 për qind në qershor, e udhëhequr nga çmimet e larta të energjisë, transmeton Anadolu Agency (AA).

Shifra ishte në rënie nga 7.9 për qind në maj, në përputhje me vlerësimin e parë, sipas Zyrës Federale të Statistikave të vendit Destatis.

Çmimet e energjisë u rritën 38 për qind nga një vit më parë në qershor ndërsa çmimet e ushqimeve u rritën me 12.7 për qind në të njëjtën periudhë.

Në bazë mujore, çmimet e konsumit u rritën me 0.1 për qind në muajin qershor.