Турција ја започна најголемата морнаричка вежба во својата историја

МУГЛА/КОЏАЕЛИ (АА) - Турција ја одржува најголемата морнаричка вежба во својата историја, со над 100 бродови на сите три мориња кои ја опкружуваат земјата, јавува Anadolu Agency (AA).

Четиридневната вежба, наречена „Сина татковина 2019“, започна денес со учество на 103 бродови на морнарицата во Црното Море, Егејското Море и Источниот Медитеран.

Флотилата вклучува 13 фрегати, 6 корвети, 16 јуришни бродови и 7 подморници, 7 бродови за откривање мини, 14 патролни бродови, како и друг вид поморски бродови.

Вежбата беше планирана шест месеци однапред во согласност со правилата и регулативите на НАТО, а е координирана од Командниот поморски воен центар и ќе трае до 2 март.