Турција: Операција против терористичките организации Ал Каеда и ДЕАШ

ИСТАНБУЛ (АА) - Во операцијата извршена против терористичките организации Ал Каеда и ДЕАШ во турската област Истанбул, приведени се седум осомничени лица, пренесува Агенција Анадолија (АА).

Тимовите на Одделот за борба против тероризмот при Полициската дирекција во Истанбул извршија операција за дешифрирање на активностите на терористичките организации ДЕАШ и Ал Каеда во овој град.

Во овие рамки, извршени се истовремени операции на десет локации во населбите Есенјурт, Фатих, Ќучукчекмеџе, Шишли и Султанбејли.

Како резултат на операциите, фатени се седум од вкупно десет осомничени, против кои е издаден налог за приведување.

Во претресите извршени на овие локации запленети се голем број документи и дигитален материјал на организациите.

Четворица од седуммина приведени се странци, а активностите за фаќање на останатите тројца осомничени продолжуваат.