Турција: Одлука за 25 приведувања во истрагата за „телефонски повици од јавни говорници“

АНКАРА

Во рамките на истрагата на Републичко јавно обвинителство од Анкара за терористичката организација ФЕТО инфилтрирани во Командата на копнените сили донесена е одлука за приведување на 25 подофицери, од кои 19 се во активна служба, јавува Агенција Анадолија (АА).

Во соопштиеното на Јавното обвинителство се вели дека Бирото за истражување на терористички злосторства открило дека 19 осомничени кои се во активна служба на составот на Командата на копнените сили, преку системот на периодични и секвенцијални повици кој го користат членовите на ФЕТО, комуницирале од јавни говорници или телефони во локали.

Во соопштението се наведува дека меѓу лицата кои комуницирале на овој начин се наоѓаат и едно лице суспендирано од работа, четири пензионирани и едно лице кое поднело оставка. Во операцијата водена од Анкара, спроведени се акции во 13 области во Турција, приведувајќи 12 лица, додека во тек се активности за откривање на останатите осомничени по кои е издадена одлука за приведување.