Турција: Издадени налози за приведување на 28 припадници на ФЕТО

АНКАРА (АА) - Турските обвинители денес издадоа налози за приведување на 28 војници на должност поради поврзаност со терористичката организација ФЕТО, јавува Anadolu Agency (AA).

„Осомничените се бараат како дел од истрагата за инфилтрацијата на ФЕТО во Турските вооружени сили (ТСК)“, соопшти извор, кој сакаше да остане анонимен.

Над 200 војници во Истанбул и областа Измир беа приведени вчера поради нивна поврзаност со терористичката организација.

Терористичката организација ФЕТО и нејзиниот водач Фетула Ѓулен, кој живее во Соединетите Американски Држави (САД), стојат зад неуспешниот обид за државен удар на 15 јули 2016 година, во кој загинаа 251 лице, а речиси 2.200 беа повредени.

Терористичката ФЕТО стои и зад долготрајната кампања за соборување на државниот поредок преку инфилтрација на нејзините припадници во турските институции, особено во војската, полицијата и судството.